Kongamano La Kuliombea Taifa Kufanyika 30 June Jijini Dar Es Salaam.

Watanzania wametakiwa kuendelea kuliombea taifa ili liweze kuendelea kuwa kisiwa cha amani na utulivu pamoja na kuepuka viashiria vyote vya uvunjifu wa amani na umoja tulio nao tangu kuasisiwa kwa taifa letu.

Akizungumza Jijini Dar es Salaam na Kiongozi wa Kanisa la Redeemed Gospel Church Miracle Center (RGCM), Dkt. Peter Nyaga katika Ibada maalumu ya kuliombea Taifa Amani kuelekea uchaguzi wa serikali za mitaa unaotarajiwa kufanyika mwezi Octoba mwake huu.

“Taifa linapokuwa na amani, umoja na utulivu bila ya kuwa na viashiria vyovyote vya uvunjifu wa amani, umoja na mshikamano uliopo litaendelea kusonga mbele na Mungu atazidi kulibaliki” . Alisema Dr Nyaga.

Alisema katika kuhakikisiha taifa linaendelea kuwa na amani, umoja ulipo atafanya maombi ya kumwombea Rais John Pombe Magufuli pamoja na viongozi wote wa serikali ili wawe na nguvu ya kuendelea kuliongoza taifa vizuri.

“Katika kuhakikisha taifa linaendelea kuwa na amani na utulivu nimepanga kuandaa kongamano maalum la kuliombea taifa lizidi kuwa na amani litakalofanyika tarehe 30 mwezi huu katika viwanja vya shule ya  Msingi Tabata Liwiti” alisema Dkt. Nyaga.

Akizunguzia katazo la serikali juu ya matumizi ya mifuko ya plastiki nchini kiongozi huyo wa kiroho alisema Kanisa linaungana na serikali kupiga marufuku mifuko hiyo ya plastiki nchini.

“Tunaungana na serikali kuhusu kuzuia matumizi ya mifuko ya plastiki nchini natoa wito kwa wahumini kuunga mkono swala hilo kwa kutumia mifuko mbadala hili kulinda na kutunza mazingira” Alisema Dkt. Nyaga.

Baadhi ya waumini wakiendelea na maombi.