Hatua Kali Kuchukuliwa Kwa Wanaoghushi Vyeti Kuingia JKT.

Jeshi la Wananchi wa Tanzania JWTZ limesema kuwa usaili unaoendelea kote nchini wa uandikishaji wa vijana JWTZ/JKT watafanya uhakiki upya wa vyeti na nyaraka zote za vijana walioandikishwa baada ya kubainika uwepo wa udanganyifu katika taarifa zao.

Akizunguma Jijini Dar es Salaam na Mkurugenzi wa Habari Jeshini Luteni Kanali Gervas Ilonda ambapo amesema katika zoezi la uhakika watashirikiana na NIDA, Baraza la mitihani ili kwabaini walio toa taarifa za uongo kukamatwa na kuchukuliwa hatua za kisheria.

Alisema changamoto kubwa zilizojitokeza kwenye zoezi hilo ni pamoja vijana kwenda kujiandikisha kwenye mikoa mingine hivyo kuwanyima fursa wengine kwani kila mkoa umepewa nafasi yake kulingana na idadi ya watu.

Luteni Ilonda aliongeza kuwa baadhi ya viongozi wamekuwa wakiwaombea ndugu/ jamaa zao nafasi za kujiunga na JKT jambo ambalo ni kinyume na utaratibu huku vijana wakitoa taarifa za uongo ikiwemo kughushi vyeti vya kuzaliwa na vile vya elimu jambo ambalo ni kosa la jinai.

“Vijana wengi wamebainika kutoa taarifa za uongo ili kujipatia nafasi na wengine kufanya vitendo viovu vya kushawishi na kujaribu kutoa rushwa na hatimaye kughushi vyeti vya kuzaliwa na vile vya elimu, hii ni kosa la jinai yeyote anayebainika atachukuliwa hatua za kisheria”Amesema Luteni Kanali Ilonda.

Alisema Kuna baadhi ya watu wasio waaminifu huwarubuni vijana vijana na wazazi kuwataka watoe fedha ili waweze kuiingizwa JKT hivyo wanapokutana na watu kama hao watoe taarifa kwa mamlaka husika kwani Jeshi halidai Fedha zozote bali Ni kufuata taratibu zilizowekwa.

Nitoe rai wananchi kutoa taarifa za watu wanaowahisi kuwasaidia vijana hao kufanya udanganyifu ili sheria ichukue mkondo wake pamoja na vijana kutambua kuwa Jeshi hilo halitoi ajira bali ni mafunzo ya kuwajengea umoja wa kitaifa, Mshikamano, maadili mema, uzalendo na stadi mbalimbali za kujitegemea.