UVCCM Tawi la Chuo Cha DMI Wafanya Kongamano La Kuajadili Utekelezaji Wa Ilani Ya Chama Jijini Dar.

Umoja wa vijana wa chama cha Mapinduzi tawi la chuo kikuu cha mabaharia DMI umeiomba Serikali kuwasaidia kutatua changamoto mbalimbali zinazokikabali chuo hicho ikiwemo kuwapatia vitendea kazi kama vile Meli ili kuwawezesha kufanya mafunzo kwa vitendo baada ya kuhitimu masomo yao.

Akizungumza Jijini Dar es salaam katika ufunguzi wa kongamano la kujadili utekelezaji wa Ilani ya chama cha Mapinduzi ya mwaka 2015/2020 Mwenyekiti mstaafu wa Umoja wa Vyuo Vikuu nchini ambaye pia mwenyeketi mstaafu wa Tawi hilo Bw.Tahilisu Mnali alisema pamoja na Taaluma hiyo ikitumika ipasavyo inaweza kuwa na mchango mkubwa kwa taifa.

“Chuo kimekuwa kikitoa wahitimu walio na viwango vya kimataifa ila nitoe rai kwa serikali kusaidia kutatua changamoto ya vitendea kazi kama vile meli ili kuwawezesha wahitimu hao pindi wanapoitimu masomo yao waweze kuwa na sehemu ya kufanyia mazoezi ya vitendo” alisema Bw. Mnali.

Aliesema Taaluma ya uhandisi ina nafasi kubwa katika kuiwezesha serikali kufikia azma yake ya uchumi wa viwanda hivyo kama wahitimu wa mafunzo ayo watapata vitendea kazi ni rahisi kuwezesa azma hiyo ya serikali kufikiwa kwa wakati.

Mapema akizumgumza wakati wa ufunguzi wa kongamanlo hilo mlezi wa Jumuiya ya vijana wa chama cha Mapinduzi chuo cha DMI Dokta Benjamini Mbeba amewataka wanafunzi kusoma kwa bidii kwani kutokana na Taaluma wanayosomea kuwa ni miongoni mwa Taaluma mambazo ni chachu katika kuisaidia serikali kuelekea katika azma yake ya uchumi wa viwanda.

Nae Kaimu Makamu Mkuu wa Chuo hicho Dokta Eliamini kassembe alisema sekta ya bahari ina mchango mkubwa katika ukuaji wa uchumi wa Tanzania hivyo amewataka vijana kusoma kwa malengo pamoja na kuongeza nidhamu huku chuo hicho kikiendelea kutafuta njia ya kutatua chanagmoto zao.

Akizungumza kwa niaba ya wanafunzi wa chuo hicho ambae pia ni katibu wa uvccm chuoni hapo Bw. Frank Muchunguzi alisema changamoto ya miundombinu Chuoni hapo bado haikidhi utendaji kazi wao ikiwemo uchache wa madarasa jambo ambalo linarudisha nyumba juhudi zao hivyo wameiomba Serikali kusaidia kutatua changamoto hiyo.