Mmiliki Wa First Supper Market Bi Devota David Ashinda Tuzo Ya Mafanikio Makubwa Ya Thamani Ya Mwanamke Na Ajira Binafsi Jijini Dar.

MJASIRIAMALI  Devota David ambaye ni mmiliki wa First Supper Market iliyopo mbezi beach kona ya Goba akipokea Tuzo ya mafanikio makubwa ya Thamani ya Mwanamke na ajira binafsi katika hafla iliyofanyika ukumbi wa king solomoni jijini dar es salaam.

Pichani ni Tuzo ya mafanikio makubwa ya Thamani Ya Mwanamke Na Ajira Binafsi

 

Mmiliki First Supper Market Bi, Devota David.

Na Francis Peter

MJASIRIAMALI  Devota David ambaye ni mmiliki wa First Supper Market iliyopo mbezi Mbeach kona ya Goba Dar es Salaam amefurahia kupewa tuzo ya mafanikio makubwa ya Thamani ya Mwanamke na ajira binafsi katika hafla iliyofanyika katika ukumbi wa King Solomon Jijini Dar es saaam.

Akizungumza mara baada ya kukabidhiwa tuzo hiyo ambayo ilianza rasmi kutolewa nchini mwaka 2017 kwa malengo ya kutambua na kazi za za jamii ya wanawake nchini Bi Devota alisema nafuraha kubwa kufanikiwa kwangu nimeweza kutambulika kama  mwanamwake niliyejiajiri na Kazi zangu kutambulika kwa jamii.

“Nashukuru wote waliwezesha siku ya leo kupata tuzo hii yenye lengo la kuipa thamani Ajira binafsi sawa na Ajira rasmi ambayo inachukua kiasi kidogo cha wanawake kulinganisha na ajira binafsi” alisema bi Devota.

Alisema  Tuzo hiyo kwake ambayo itamsaidia kumjengea ujasiri wa kuendeleza mapambano ya mafanikio na sasa ataweza kufanikiwa zaidi kwani maadhimio ya mafanikio yake hayo atayazidisha kwa bidii ili kuzidi kung'ara  baada ya kongamano hilo.

Aidha Bi devote amewashauri waandaaji kuendelea kufanya  Kongamano hilo

Kwani kufanya hivyo kuwawezesha wanawake zaidi kuwa na hali ya kujiamini zaidi katika kazi wanazofanya hivyo kutakuwa na  mafanikio makubwa yaliogusa maisha ya wanawake wa Tanzania.

"Nawaombe wanawake wenzangu waliojiajiri kuendelea kufanya kazi kwa bidii na kufanya maandalizi ya kukutana na wanawake wengine Siku nyingine tena ambapo historia itajiandika tena," alisema Bi.Devota.

Akielezea namna alivyoweza kuendesha biashara zake kwa muda mrefu mpaka kufikia hapo ilopo na kupata mafanikio alisema ni kujituma na kuwa na ubunifu zaidi kwa kile unachofanya pamoja na anajivunia kupata sapoti zaidi kutoka kwa  mumewe.

"Nikiwa katika mazingira ya utoto zamani nilianza kuwa namsimamia mama yangu mzazi pindi nikitoka shule niliachiwa biashara na mama, mama alikuwa akimili depo moja niliweza,"alisema Devota.

Anasema hivyo kutokana na kuanza mapema mazingira hayo aliyokuwa akimuona, alianza kupenda ajira za kujiajiri, ambapo kwa sasa taswira ya serikali ya awamu ya tano inapigania vipao mbele katika ajira za wajasiriamali binafsi.

Mwonekano wa baadhi ya bidhaa zinazo patikana First Supper Market iliyopo mbezi Mbeach kona ya Goba Dar es Salaam.

Mmiliki wa First Supper Market Bi, Devota David akiwa katika picha ya pamoja na wenzake mara baada ya kupokea tuzo zao, hafla iliyofanyika katika ukumbi wa king solomoni jijini dar es salaam.