UHAMIAJI YAANZA KUHAKIKI WA VIBALI VYA UKAAZI KWA NJIA YA KIELEKTRONIKI.

Idara ya uhamiaji  leo imezindua huduma ya mfumo wa uhakiki wa vibali vya ukaazi kwa kutumia njia ya kielektroniki.

 Amesema hayo jijini Dar es salaam kamishna jenerali wa uhamiaji Dkt Anna Peter Makakala  kuwa lengo la kuzindua mfumo huo ni kuimarisha udhibiti wa wageni waishio hapa nchini pamoja na kuzuia mianya ya upotevu wa maduhuli ya serikali.

Ameongeza kuwa mfumo unatoa fursa kwa waajiri na wageni wote wenye vibali vya ukaazi kuhakiki kumbukumbu za vibali vyao ili kujua kama vimetolewa na mamlaka husika.

Dkt.Makakala amezitaka taasisi na mashirika baada ya kuhakiki vibali vya wageni wao kupitia mfumo huo kuwasilisha taarifa za vibali hivyo katika ofisi ya za uhamiaji za mikoa katika maeneo yao endapo watabaini matatizo.

Idara ya uhamiaji imetoa muda wa siku tisini tangu kuzinduliwa mfumo huo ili kuhakiki taarifa za vibali vya wageni na kusema ambao watakuwa hawajahakiki vibali hatua  za kisheria zitachukuliwa.

Idara imetoa wito kwa waajiri na wamiliki wa makampuni na wote wenye vibali vya ukaazi kutoa ushirikiano katika kipindi chote.