Sakata La Kuvamia Mkutano Wa Waandishi Wa Habari Cuf Yaomba Radhi

Siku chache zilizopita baada ya kutokea fujo kwenye mkutano wa CUF uliokuwa umeandaliwa na upande wa wafuasi wa Maalim Seif Sharif Hamad, upande ambao upo chini ya prof lipumba umejitokeza na kukiri na kuomba radhi hadharani kuwa vijana waliofanya fujo katika mkutano huo walikuwa ni walinzi wa chama hicho cha CUF.

Akizungumza Makao Makuu ya Chama hicho yaliyopo Buguruni Jijini Dar es salaam na Mkurugenzi wa Habari wa CUF, Abdul Kambaya  alisema vijana waliofanya fujo kwenye mkutano huo walikuwa ni walinzi wa chama hicho ambao walikuwa katika doria.

Amesema kuwa vijana walikuwa katika doria la kawaida kwani tayali walikuwa wameshapata taarifa za mkutano huo ambao haukutakiwa kufanyika mujibu wa katiba ya chama hicho.

“Mtu yeyote asipindishe kitu, wale hawakuwa majambazi, ni vijana wetu wa CUF na walikuwa kwenye doria kwa sababu tulikuwa  na taarifa tayali juu ya mikakati yao waliyoipanga na Chadema, hatuwezi kupangiwa mipango na Ukawa wakati sisi ni Chama halali,”amesema Kambaya.

Aidha, Kambaya ameongeza kuwa mchezo mchafu anaoucheza Meya wa Ubungo, Boniface Jacob na Chadema kwa ujumla wa kutaka kuisambaratisha CUF hautafanikiwa.

Hata hivyo, katika hatua nyingine, Kambaya amesema kuwa Chama Cha Wananchi (CUF), kinaomba radhi kwa waandishi wa habari, Jukwaa la Wahariri pamoja na vyombo vyao kwa tukio hilo lililosababisha taharuki kubwa.

msikilize hapa akiongea.....