JUKWAA LA WAHARIRI TANZANIA LIMELAANI KUSHAMBULIWA WAANDISHI WA HABARI WALIOKUWA WAKITEKELEZA WAJIBU WAO KITAALUMA.

Jukwaa la wahariri Tanzania (TEF) limelaani tukio la kushambuliwa na kuumizwa  waandishi wa habari waliokuwa wakitekeleza wajibu wao kitaaluma.

Aidha TEF limetoa wito kwa jeshi la polisi kuharakisha uchunguzi wa tukio hilo na kuchukua hatua za kisheria dhidi ya wote waliohusika na kuujulisha umma wa watanzania kutambua kuwa waandishi wa habari wanatekeleza majukumu yao kwa mujibu wa sheria.

Akisoma Tamko hilo Mwenyekiti wa Jukwaa la Wahariri Tanzania Bw.THEOPHIL MAKUNGA jijini DAR ES SALAAM wakati akizungumzia kitendo cha kujeruhiwa waandishi hao waliokuwa kazini.

Alisema waandishi wa habari walikuwa katika mkutano wa kihabari na kusema kuwa licha ya mgogoro unaoendelea ndani ya chama cha cuf  vyombo vya habari vimekuwa vikitoa fursa ya kuandikwa na kutangazwa kwa habari za pande zote mbili zinazovutana.

Bw. MAKUNGA Alibainisha kuwa jukwaa hilo limefanya ufuatiliaji na mawasiliano na pande zote mbili yaani  upande wa katibu mkuu maalim SEIF SHARIF HAMAD na ule wa mwenyekiti anayetambuliwa na msajili wa vyama Pofesa IBRAHIM LIPUMBA na kubaini kuwepo kwa viashiria  vya mashambulizi dhidi ya waandishi kutoka kwa watu au kundi linalomuunga mkono Profesa.LIPUMBA.

Alisema TEF lilifanya mawasiliano na mwenyekiti Prof LIPUMBA  tarehe 24 April kwa lengo la kupata kauli yake kuhusu kilichotokea  lakini hadi sasa hajatoa kauli yoyote tofauti na katibu mkuu maalim SEIF ambaye ametoa pole na kulaani kitendo hicho.

Mapema wakitoa ushuhuda jinsi tukio hilo lilivyotokea waandishi wa habari waliokutwa na shambulio hilo wamelaani vikali kitendo hicho na kuiomba serikali na vyombo vya dola kufanya uchunguzi haraka na kuchukua hatua stahiki kwa wahusika kwani tukio hilo sio la kufumbiwa macho ni jambo ambalo limewasababisha hofu kubwa wao kama waandishi wa habari.

Waandishi wa vyombo vya habari walikutwa na shambulio hilo ni kutoka chanel ten, mtanzania, nipashe, uhuru, mwananchi ,clouds media na the guardian.