TAWLA YAWAKUTANISHA WADAU WA AFYA YA UZAZI KUJADILI VIFO VYA MAMA NA MTOTO

Mwenyekiti wa Chama cha Wanasheria Wanawake Tanzania (TAWLA ), Bi Athanasia  Soka akiongea wakati wa ufunguzi wa mkutano wa siku mbili wa wadau wa sekta ya afya ya uzazi kujadili changamoto ya vifo vinavyotokana na utoaji wa mimba zisizotarajiwa jijini dar es salaam.

 Mhadhiri Mwandamizi wa Chuo Kikuu cha Afya na Tiba mtakatifu Hurbert Kairuki ( HKMU ), Dk. Pensiens Mapunda akiwasilisha mada katika mkutano wa wadau wasekta ya afya ya uzazi kuhusu vifo vinavyotokana na mimba zisizotarajiwa jijini dar es salaam.

Washiriki wa mkutano  wakifuatilia mada mbalimbali wa kati wa mkutano huo

Na Frank Wandiba

Chama cha wanasheria wanawake Tanzania (TAWLA) kimewakutanisha wadau mbalimbali jijini Dar es salaam ili kujadili suala zima la madhara yatokanayo na mimba zinazotolewa kwa njia zisizo salama ambazo zimekuwa zikisababisha asilimia zaidi ya 13 ya vifo vitokanavyo na uzazi nchini.

Akiwasilisha mada katika mkutano mapema leo jijini dar es salaam, Mhadhiri mwandamizi wa maswala ya afya ya uzazi kutoka chuo kikuu cha mtakafu Hubert, Dk. Pasiens Mapunda alisema takwimu za shirika la afya duniani zinaonyesha kuwa kila mwaka wanawake wa kitanzania Milioni moja upata mimba zisizotarajiwa ambapo asilimia 39 huishia kwenye utoaji mimba.

Alisema kufatia utoaji huo wa mimba kwa njia zisizo salama na wakati wa kujifungua umekuwa ukisababisha asilimia 13 hadi 15 ya wanawake kufariki kutokana na kutokwa damu nyingi.

Dk Mapunda Ameongeza kuwa changamoto kuwa ambayo imekuwa ikichangia kuwepo kwa mimba nyingi zisizotarajiwa ni kukidhiri kwa vitendo vya ukatili wa kijinsia kama kubakwa na mzazi, ndugu, hivyo kusababisha wahusika kulazimika kutoa mimba hizo kwa usiri bila kuzingatia usalama katika utoaji wa mimba.

Aidha Dk Mapunda alisema asilimia 40 ya wanawake hupatwa na matatizo ambayo yanahitaji matibabu mara baada ya kutoa mimba, kutokana na sheria ya nchi imekuwa vigumu kwa wanawake kujitokeza katika vituo vya afya mara baada ya utoaji mimba usio salama na kupelekea wengi wao kupoteza maisha yao.

Alisema kwa mujibu wa sheria ya Tanzania ambayo inasema imesema kuwa kutoa mimba ni kosa na atakaeshikwa mimba adhabu yake ni miaka 14 jela, atakayesaidia kutoa mimba adhabu yake ni miaka 7 jela na miaka mitatu kwa atakayesaidia vifaa.

Dk Mapunda ameitaja mikoa ambayo imekuwa na changamoto ya matukio y utoaji mimba zisizotarajiwa kwa mujibu wa utafiti uliofanyika  mwaka 2013, mikoa ya kanda ya ziwa inaongoza kwa matukio 120,857 ikifuatiwa na Nyanda za juu kusini ambayo idadi ya matukio ya utoji wa mimba zisizotajiwa 68,910.

Alisema kwa mujibu wa utafiti huo mkoa ambao ulikuwa na idadi ndogo ya utoaji wa mimba zisizotarajiwa ilikuwa ni Zanzibar ambapo iliripotiwa kuwa na matukio 3714 hivyo kushauri kuwa ipo haja kwa serikali kuangalia upya suala zima la mimba zisizotarajiwa kwa wanawake hapa nchini, kimataifa suala hilo tayali limekubaliwa kisheria.

Mkutano huo wa siku mbili ambao umejikita katika kuangalia changamoto za afya ya uzazi umewakutanisha wadau kutoka wizara ya sheria, wizara ya afya, jeshi la polisi pamoja na wadau wa maswala ya afya na uzazi salama