NCCR Mageuzi Waanza Rasmi Kutoa Fomu za kugombea

Chama cha NCCR Mageuzi kimetangaza kuanza rasmi kuanza kwa zoezi la uchukuaji wa Fomu za kugombea katika nafasi mbalimbali za uongozi zilizoainishwa na chama hicho.

Akizungumza jijijini Dar es salaam Katibu mkuu wa chama hicho Bi. Elizabeth Mhagama alisema zoezi la kuchukua na kurejesha fomu limeanza rasmi tarehe June15 na kufikia tamati 08 Julai.

"Nitoe wito kwa Watanzania wote wanao amini na kujali UTU wetu na haki hususani ambao walishiriki katika mageuzi kujitokeza kugombea nafasi za uongozi kama wanavigezo" Alisema Bi Mhagama.

 Alisema watanzania wenye sifa za kuwa mgombea na sifa za kiongozi na bora ambazo zimeanishwa na Katiba ya Chama kujitokeza kuchukua fomu za kugombea.

Aidha Bi. Mhagama aliongeza kuwa wagombea na watia nia wote lazima wasimamie na kutetea maslahi ya wengi dhidi ya watu wachache.

Mchakato huo wa kuchukua na kurejesha fomu utausisha nafasi za wagombea kwa ngazi ya Urais, Ubunge, Udiwani na Uwakilishi Tanzania bara na Zanzibar.