Muhimbili Kuanza Kutumia Kadi Katika Malipo
Mkurugenzi Mtendaji wa Hospitali ya Taifa ya Muhimbili Prof. Lawrence Maseru Akizungumza
katika uzinduzi Card mpya ya kulipia huduma za matibabu katika hospitali ya
taifa ya muhimbili.
Mkurugenzi
mkuu wa MAXI COM AFRICA. Bw.JAMESON KASATI akifafanua jambo katika uzinduzi Card mpya ya kulipia huduma za
matibabu katika hospitali ya taifa ya muhimbili.
Mkurugenzi wa Fedha na Mipango wa hospitali ya taifa ya
Muhimbili Bw. Gerald Jeremiah.
Muonekano
wa card ya kufanya malipo iliyozinduliwa jijini Dar es salaam.
Dar es salaam
HOSPITALI ya Taifa Muhimbili
(MNH) imezindua mfumo mpya wa kufanya malipo ya huduma kwa njia ya
kielektroniki ambao utatupilia mbali malipo ya pesa taslim na malipo kuanza
kufanywa kwa kutumia kadi maalumu au simu za mkononi.
Akizungumza katika uzinduzi wa
huduma hiyo Mkurugenzi Mtendaji wa Muhimbili Prof. Lawrence Maseru mfumo huu
unalenga kusimamia ukusanyaji mzuri wa mapato yanayotokana na malipo ya huduma
hizo ikiwa ni njia ya kuboresha huduma za afya katika
hospitali hiyo.
“Mfumo huu pia utasaidia
kupunguza adha kwa wagonjwa ya kufanya malipo kwa kukaa muda mrefu kwenye
foleni ukizingatia hospitali hii inatoa huduma kwa watu zaidi ya elfu mbili kwa
siku, hivyo mfumo huu mpya utapunguza adha wanazokabiliana nazo wagonjwa kila
siku.” Alisema Profesa MUSERU.
Kwa upande wake Mkurugenzi mkuu wa
MAXI COM AFRICA Bw.JAMESON KASATI alisema kampuni ya maxi com kwa
kushirikiana na Hosptali ya taifa ya MUHIMBILI kwa pamoja wamezindua
huduma hiyo ya kieletroniki kwa lengo la kurahisisha utoaji huduma kwa wagonjwa.
Alisema Maxi com Afrika imetengeneza
mifumo kwa mitandao yote ya simu ambayo utatumika katika kulipia huduma za
matibabu hospitalini hapo kulingana na aina ya mtandao husika kupitia menyu kuu
ambapo mgonjwa atapata huduma hiyo.
Aidha Bw. KASATI aliongeza kuwa
malipo yanaweza pia kufanyika kupitia card
maalum za hospitali ya taifa ya muhimbili pamoja na mitandao ya simu M
PESA, TIGO PESA na AIRTEL MONEY.
No comments