SHEIKH JALALA ATOA POLE, KWA WAZAZI NA WAFIWA WA WATOTO WA WANAFUNZI WA SHULE LUCKY VICENT ARUSHA,

Kiongozi mkuu wa waislam wa dhehebu la washia Tanzania shekh Hemed Jalala ametoa pole kwa wafiwa wote wa ajali iliyotokea Karatu na kusababisha vifo vya wanafunzi  32 na walimu wa shule ya st.Luckys iliyopo mkoani Arusha.

Akizungumza mapema leo jijini Dar es salaam Shekh Jalala alisema  waislam wa dhehebu la washia wamesikitishwa na kushtushwa na msiba huo na wanaungana na waislam  wenzao ,wakristo   pamoja na watanzania wote kwa msiba mkubwa uliowakumba watoto hao  wanafunzi.

Aidha ametoa pole kwa  wazazi na walezi wa watoto hao na Rais wa jamhuri wa muungano wa Tanzania Mh.Dk.John Pombe Magufuli kwa msiba mkubwa ulioikumba taifa letu.

Ajali hiyo imetokea mkoani Arusha  wilayani  karatu na kuua idadi ya wanafunzi 32  na walimu wawili na dereva wa shule ya st.lucky.