TAMASHA LA DAR BODABODA SUPER STAR UNITY FESTIVAL KUFANYIKA 13 MEI JIJINI DAR

Kampuni ya JP DECAUX Tanzania kwa kushirikiana na shirika lisilo la kiserikali la IRI linalojihusisha na masuala ya maendeleo wameandaa tamasha maalum kwa wadau wa sekta ya bodaboda la Dar bodaboda Super Star Unity Festival ambalo litafanyika rasmi jijini Dar es salaam tarehe 13 mei mwaka huu.

Akizungumza  leo meneja mkuu wa JP Decaux Tanzania Bw.Shaban Makugaya  amesema tamasha hilo linatarajia kushirikisha watu kati ya 5000 lina lengo la kutoa elimu ya usalama wa barabarani kwa madereva bodaboda na abiria kwa madhumuni ya kuzingatia sharia ya usalama barabarani kwa matumizi ya barabarani.

Ameongeza kuwa mbali na kupata mafunzo hayo pia tamasha litasaidia kudumisha  umoja ushirikiano na mshikamano katika jamii bila kujali tofauti za dini,kabila na jinsia.

Nae mkurugenzi mtendaji wa DJ decaux Bw. Eliya Richard amesema tamasha hilo lenye kauli mbiu “sote ni ndugu” linatararajia kumpata mshindi bodaboda supa star sambamba na michezo mbalimbali itakuwepo.