TGNP YATOA MAFUNZO KWA MADIWANI JUU YA BAJETI YENYE MLENGO WA KIJINSIA.

Mkurugenzi wa Mtandao wa Jinsia Tanzania (TGNP), Bi Lilian Liundi akifungua mafunzo ya siku tano kwa madiwani kutoka mikoa mbalimbali nchini yenye lengo la kuwajengea uwezo viongozi hao juu ya Bajeti ya Tanzania pamoja na kuichambua kwa mlengo wa kijinsia ili waweze kuwasaidia wananchi wanaowaongoza.

Baadhi ya Madiwani waliohudhuria mafunzo hayo wakisikiliza kwa makini Maelezo ya Mkurugenzi Mtendaji wa Mtandao huo Bi Lilian Liundi (hayupo pichani).

Mmoja wa maafisa waandamizi wa Mtandao wa Jinsia Tanzania (TGNP), Akiwasilisha mada katika mafunzo hayo.

Baadhi ya Madiwani waliohudhuria mafunzo hayo wakifatilia mada mbalimbali zinazowasilishwa

                                                

Mtandao wa jinsia Tanzania (TGNP) umeandaa mafunzo ya siku tano kwa madiwani kutoka kata zaidi ya 20 nchini kwa lengo la kuwajengea uwezo kuhusu maswala mazima ya bajeti pamoja na kufatilia jinsi bajeti inavyotoka na kutumika hususani kwenye mlengo wa kijinsia.

Akizungumza katika ufunguzi wa mafunzo hayo  mkurugenzi mtendaji wa mtandao wa jinsia Tanzania (TGNP) Bi,Liliani Liundi amesema lengo la kuanda mafunzo hayo ni kuwajengea uelewa mpana viongozi hao kuhusu maswala mzima ya bajeti hili kuwawezesha kutimiza wajibu wao kwa ufanisi.

Amesema mafunzo hayo pia yamelenga kuwawezesha viongozi hao kutambua haki za makundi mbalimbali katika jamii pamoja na namna ya kuitumia Bajeti hiyo katika kuwasaidia wananchi hasa makundi makundi maalum yaliyopo katika jamii zao.

Aidha Bi liundi ameongeza kuwa mafunzo hayo pia yatawawezesha madiwani hao kuwa na uelewa mpana zaidi kuhusu dhana ya bajeti ya mlengo wa kijinsia ambayo amesema ni bajeti inayopanga Rasilimali kulingana na makundi mbalimbali yaliyopo katika jamii zetu hivyo kuwa ni bajeti ya haki kwa wananchi wote.

Kwa upande wao washiriki wa mafunzo hayo wamesema mafunzo hayo yamekuja wakati muafaka ambapo bajeti ya Tanzania imesomwa tayali wao wakiwa kama viongozi wa ngazi za chini ambao ndio walengwa wa bajeti hiyo mafunzo hayo yatawasaidia katika utendaji wao hasa katika utekelezaji wa majukumu yao kwa wananchi.