TAMKO LA MTANDAO WA MASHIRIKA YA WANAWAKE TZ, JUU YA USAWA KATIKA TEUZI ZINAZOENDELEA NAFASI ZA UONGOZI

Mkurugenzi wa Mtandao wa jinsia nchini (TGNP) Liliani Liundi akifafanua jambo kwa waandishi wa habari (hawapo pichani) mapema leo Jijini Dar es salaam wakati wakitoa tamko kuhusiana na teuzi zinazoendelea hususani katika nafasi mbalimbali za maamuzi Serikali,

……………..

Mtandao wa Kijinsia Tanzania (TGNP), kwa kushirikiana na wanaharakati wa maswala ya jinsia nchini wametoa tamko kuhusiana na teuzi zinazoendelea hususani katika nafasi mbalimbali za maamuzi Serikalini.

Akisoma tamko hilo kwa niaba ya Mashirika hayo jijini Dar es Salaam, Mkurugenzi Mtendaji TGNP, Lilian Liundi amesema licha ya wanawake kuwa zaidi ya asilimia 50 ya Watanzania wote chakusikitisha uwakilishi wao  katika nafasi za maamuzi umekuwa ukishuka kila kukicha.

Amesema wamekuwa mstari wa mbele tukipaza sauti kuhusu teuzi ambazo kwa sehemu kubwa zimekuwa hazizingatii usawa wa kijinsia na kutolea Mfano, katika Baraza la Mawaziri kati ya mawaziri 19 wanne tu ndio wanawake ambayo ni asilimia 21.1 ukilinganisha na uteuzi wa mwaka 2015 ambapo wanawake walikuwa 10 sawa na asilimia 33.3.

Bi, Liundi ameongeza kuwa ikumbukwe kwamba Tanzania ni moja kati ya Mataifa yaliyosaini mikataba mbalimbali ya Kimataifa inayoweka misingi ya usawa jinsia kwa binadamu hususani haki ya kushiriki nafasi yoyote ya uongozi.

Amesema wanatoa ushauri kila uteuzi unapofanyika wanaopanga majina ya walioteuliwa wabainishe kama ni mwanaume au mwanamke ili kurahisisha utambuzi wa wachambuzi.

Aidha bi liundi ameongeza kuwa Mtandao wa Mashirika ya utetezi wa haki za wanawake nchini wataendelea kusimama imara kupaza sauti zao hususani katika teuzi zinazoendelea kufanyika ikiwa ni pamoja na kushirikiana na serikali ya awamu ya tano katika kuleta maendeleo ya Taifa.