SHEIKH JALALA AMEONGOZA WAISLAM NA WAUMINI WA DINI MBALIMBALI MATEMBEZI YA AMANI YA SIKU YA KIMATAIFA YA QUDS DAR

Kiongozi mkuu wa dhehebu la shia Ithnasheriya Sheikh Hemed Jalala amewaongoza waislam na waumini wengne wa wa dini mbalimbali katika matembezi ya amani ya siku ya kimataifa ya kupinga manyanyaso,dhulma na mateso dhidi ya wapalestina yanayofanyika kila ijumaa ya mwisho ya mwezi mtukufu wa ramadhani.

Akizungumza na umma wa washiriki wa matembezi hayo shekh jalala amesema zaidi ya karne na karne sasa tangu dunia ianze kushuhudia mapigano na mgogoro kati ya wa Israel na Palestina juu ya umiliki wa ardhi ya taifa la Palestina, pamoja na jitihada za kuutatua mgogoro huo ikiwemo kurekebisha mipaka ya ardhi kushindwa kufikia muafaka..

Amesema ili dunia iwe na amani na mahala salama pa kuishi, ni lazima kuitetea na kuunga mkono mapambano dhidi ya unyanyasaji, dhulma na uonevu dhidi ya wapalestina kama alivyofanya Hayati Mwalimu Nyerere na Nelson Mandela kwa kukemea yanayotokea katika adhi ya palestina kwa kipindi kirefu kwani leo yapo Palestina ila kesho huenda yakaenea ulimwengu mzima.