MKUTANO MAALUMU WA CYBER SECURITY SUMMIT IN AFRICA KUFANYIKA JIJINI DAR KESHO

Ukuaji wa Sayansi na Teknolojia umekuwa na faida na changamoto zake licha ya kurahisisha ufanyikaji wa shughuli mbambali ikiwa ni moja ya faida lakini kumekuwa na changamoto ikiwemo kwenye sekta ya mawasiliano ambapo kumekuwa na uhalifu mkubwa na kupelekea upotevu wa fedha katika mitandao huku ikiripotiwa kuwa kumekuwa na upotevu wa Dola za Kimarekani  Bilioni 300 kila mwaka kutokana na wizi wa kimtandao.

Hivyo Wizara ya Ujenzi Uchukuzi na Mawasiliano kupitia Sekta ya Mawasiliano kwa kushirikiana na Oracle Corporation wameandaa Mkutano maalumu ambao wa Cyber Security Summit in Africa unaotaraji kufanyika katika Hoteli ya Kimataifa ya Kilimanjaro ukiwa umelenga kutatua changamoto za uhalifu wa kimtandao.

Akizungumza na jijini Dar es Salaam Makamu wa Rais wa Shirika hilo Race Region  amesema kuwa Mkutano huo mkubwa kwa bara la Afrika unatarajia kufanyika Tanzania kwasababu ni moja ya nchi ambayo imepiga hatua kwenye masuala ya Tehama hata Rais Magufuli amekuwa akiunga mkono jitihada hizo na kuagiza ukusanyaji wa kodi kwa njia ya Kielektroniki, huku akiongeza kuwa wameambatana na wataalamu wa masuala ya mtandao kutoka nchi mbalimbali ambao watawapa mbinu za namna gani wameweza kudhibiti suala la wizi wa kimtandao katika nchi zao.

Kwa upande wake Kaimu Mkurugenzi idara ya Tehama Wizara ya Uchukuzi Ujenzi na Mawasiliano katika Sekta ya Mawasiliano Shabani Pazi amesema kuwa serikali inajitahidi kudhibiti na kuboresha sekta hiyo kwani imejenga mkongo wa Taifa karibu mikoa yote na inampango wa kuzifikia wilaya zote nchini, pia serikali imejenga kituo cha Data ambacho kinatumika kuhifadhi taarifa mbalimbali kwa usalama, vilevile serikali imeweza kuweka sheria ya Miamala na Makosa ya Kimtandao (Cyber Crime Act) ya mwaka 2015 ambazo zinaendelea kudhibiti uhalifu wa kimtandao.

 Picha; MOSHI SHABANI