TUWAKOMBOE WAPALESTINA; SHEIKH JALALA:

Kiongozi mkuu wa waislam wa  dhehebu la shia Ithnasheriya Tanzania Sheikh Hemed Jalala ametoa wito kwa watanzania wa dini zote kujitokeza kushiriki matembezi ya amani yatakayofanyika siku ya tarehe 1/7 jijini dar Es Salaam kupinga dhulma,unyanyasaji,uonevu unaondelea kwa watu wa Palestina kama ishara ya kutokuunga mkono na kukemea kinachofanyika katika ardhi ya palestina.

Akizungumza na waandishi wa habari jijini Dar Es Salaam amesema matatizo wanayo yapata wapalestina ni makubwa na kwamba leo hii sio ajabu kuvunjiwa nyumba zao za ibada, Watoto kukosa haki zao za msingi pamoja wanawake kujifungulia kwenye vizuizi njiani na kubwa zaidi ni kushambuliwa na kuuliwa bila hatia.

 

Sheikh Jalala ameongeza kuwa ili dunia iwe na amani na mahala salama pa kuishi ipo haja ya kutetea na kuunga mkono mapambano dhidi ya unyanyasaji, dhulma na uonevu dhidi ya wapalestina kama alivyofanya Hayati Mwalimu Nyerere na Nelson Mandela kwani yanayotokea leo Palestina, huenda yakaenea ulimwengu mzima katika dhana ya imani za kidini.

 

Nae mjumbe wa kamati ya mandalizi ya matembezi hayo Profesa  abdul sharif amesema dunia nzima inatakiwa kukemea kwa nguvu kinachotokea nchini palestina pamoja na kukiuka haki za binadamu kinawakosesha haki za msingi mbalimbali nchini humo.

Kwa upande wake bi Nice Munissy akitoa ushuhuda wa hali alioshuhudia nchini palestina amesema wananchi wa palestina wanatakiwa kuungwa mkono kwa kupaza sauti duniani kote kukemea yanayotokea katika ardhi ya nchi hiyo kwani waathirika wakubwa ni wananchi wasio na hatia hasa wanawake na watoto

Matembezi hayo ya siku ya kimataifa ya matembezi ya amani na kupinga dhulma wanayofanyiwa wapalestina ambayo  yamebeba kauli mbiu “TUWAONEE HURUMA WAPALESTINA”