DIWANI KATA YA MABIBO ASIFU VITUO VYA TAARIFA NA MAARIFA,MABUNGE YA JAMII, ATOA RAI KWA WENZAKE KUWAPA USHIRIKIANO

Kaimu Mkurugenzi wa Tgnp Mtandao Grolia Sechambo akifafanua jambo kwenye mjadala kati ya viongozi na wana jamii kuhusu utekelezaji wa majukumu yaliyotokana na michakatombalimbali iliyofanyika katika jamii.

Diwani wa kata ya Mabibo Wilaya ya Kinondoni Jijini Dare Salaam Kassim Lema amesifu ushirikiano ambao umeanza kujitokeza kutokana na uwepo wa mabunge ya jamii na vituo vya taarifa na maarifa katika kata yake na kusema kazi wanayoifanya ni kubwa wanastahili kuungwa mkono kwa msaada wowote wanaoutaka.

Akizungumza katika mjadala kati ya viongozi na wanajamii huko Tgnp Mtandao, Lema amesma uwepo wa wa vituo vya taarifa na maarifa vinasaidia kuibua kero za wananchi na kueneza elimu kwa umma kuhusu miradi mbalimbali ndani ya kata.

Ameongeza kusema, uwepo wa vituo hivyo vya taarifa na maarifa pamoja na mabunge ya jamii kumechochea uwazi na uwajibikaji hivyo angeomba viongozi wengine kutoa ushirikiano kwa vituo hivyo ikiwamo kutoa takwimu mbalimbali wanazotaka.

“Niseme ofisi yangu kama diwani iko wazi muda wowote, nimegundua vituo hivi si maadui badala yake vinasaidia kuibua kero za wananchi tunaowahudumia. Kata ni yetu sote hivyo kupanga pamoja ni jambo la faraja” Alisema Kassim Lema.

Aidha awali akifungua mjada huo uliowakutanisha vituo vya taarifa na maarifa kutoka kata ya tatu za Makumbusho, Mabibo na Kipunguni, Kaimu Mkurugenzi wa Tgnp Mtandao Gloria Sechambo amesema mjadala huo umelenga kuangalia utekelezaji wa mradi na ufanisi wake toka umeanza kufanya kazi miezi mitatu iliyopita

 “Leo Tumewakutanisha kwa pamoja jamii, viongozi na wanaharakati katika mjadala huu ili kubalishana uzoefu juu ya utekelezaji wa mradi, kama mnavyoona wananchi wanasema mradi umeanza kuonyesha matokeo yake ikiwamo kutokomeza ngoma za vigodoro katika kata hizo”Alisema Gloria Sechambo.

Kwa upande wake Bw Selemani Bishagaazi, mwenyekiti wa Bunge la jamii kata ya Kipunguni amesema sasa viongozi wameanza kuelewa kuwa si kila kitu wanaharakati wamekuwa wapingaji badala yake ni sehemu ya msaada wa kufanya maendeleo ya kata kusonga mbele.

Amesema ilikuwa ngumu kwa viongozi wa kata kuelewa wao wanafanya nini, lakini sasa wamekuwa wanapata ushirikiano katika mabunge yao na hiyo inawasaidia kuweza kuishauri serikali ya kata katika mapambano dhidi ya ukatili wa kijinsia, mapambano katika kuleta maendeleo hususani sekta ya maji safi na salama,elimu na afya

Tgnp Mtandao umekuwa ukiendesha mradi wa kujenga uwezo wananchi ili kuwe na maamuzi ya pamoja katika miradi mbalimbali inayoendelea katika kata husika. Walianza na kata tatu za Makumbusho, Mabibo na Kipunguni.

Katika kata hizo mradi umeanza kuonyesha matoke yake, viongozi wa Serikali na vituo vya taarifa na maarifa vimeanza kufanya kazi kwa ushirikiano katika masuala ya kimaendeleo, maasuala ya kubainisha na kupanga matumizi sahihi, mapambano ya maendeleo ya maji, afya, elimu na ukatili wa kijinsia.