Chuo Kikuu Cha Ushirika Moshi Kupika Wahitimu Wenye Sifa Kukidhi Viwango Vya Soko la Ajira

WANAFUNZI wenye sifa za kusomea elimu ya juu washauriwa kujiunga katika chuo kikuu cha Ushirika Moshi kwa lengo la kupata ujuzi na maarifa kwenye masuala ya kibiashara na kujifunza  maendeleo ya jamii.

Akizungumza Dar es Salaam kwenye maonyesho ya 16 ya elimu ya juu ya Sayansi na Teknolojia yaliyofanyika kwenye viwanja vya mnazi mmoja, Mhadhiri wa chuo kikuu cha ushirika Moshi Dkt. Faustine Panga alisema wanafunzi wenye sifa za kujiunga na chuo chao ni wale waliopata alama (point) 4 ambazo ni D mbili ama C na E.

"Nitoe rai kwa wazazi na walezi wa vijana wenye sifa hizo wenye ndoto za kujiunga na chuo chetu kufika kwenye maonesho haya kwa minajili ya kupata utaratibu utakao wawezesha kujiunga na chuo hicho," alisema  Dkt. Panga

Aidha Dkt. Panga aliongeza kuwa mbali na utoaji wa elimu bora ambayo huwawezesha muhitimu kukabiliana na changamoto za ushindani katika soko la ajira ndani na nje ya nchi pia chuo kimekuwa kikiwatafutia nafasi za kazi wanapohitimu masomo yao.

Alisema chuo kikuu cha ushirikiana moshi pia kimekuwa kikitoa fursa kwa wanafunzi wenye mahitaji maalumu kwa kuwapa nafasi za masomo hayo katika ngazi mbalimbali. 

Katika Dkt. Panga hatua nyingine ametoa wito wazazi na walezi kutembelea banda la chuo cha ushirika moshi ili kupata maelekezo ya kina namna ya kujiunga na masomo.

Maonyesho hayo yameanza julai 26 mwaka huu ambapo mgeni rasmi anatarajia kuwa waziri wa elimu sayansi na teknolojia  Profesa Joyce Ndalichako ambayo yamebeba kauli mbiu isemayo 'kuendelea kukuza na kudumisha uchumi wa kati kupitia elimu ya juu, Sayansi na Teknolojia.

Kwa maelezo zaidi kuhusu udahili ingia moja kwa mojo http://mocuas.mocu.ac.tz