Mazingira Marathon Kutimua Vumbi Septemba 25 Jijini Dar

Taasisi ya Amoni Mkonga Chief Promotions imeandaa mashindano ya riadha yajulikanayo kama "Mazingira Marathoni" ikiwa lengo ni kuiunga mkono serikali ya awamu ya sita katika kuhamasisha jamii kutunza mazingira.

Akizungumza na waandishi wa habari Mkurugenzi mtendaji wa taasisi hiyo Bw. Amoni Mkonga alisema mashindano hayo yanatarajiwa kufanyika septemba 25 mwaka huu katika viwanja vya farasi ilivyoko jijini Dar es salaam.

Alisema jumla ya wanariadha zaidi ya elfu tatu kutoka ndani na nje ya nchi wamedhibitisha Kushiriki mashindano hayo, ambayo pia yana lengo la kuhamasisha upandaji miti kutunza uoto wa asili ambao unaonekana kupotea kadri siku zinavyozidi kuendelea.

Alisema mashindano hayo yameandaliwa kwa ushirikiano  na wadau mbalimbali ikiwemo kampuni ya Kinglion, Kampuni ya bia ya serengeti, pamoja na Cocola kwa lengo la kumuunga mkono rais Samia Suluhu Hassan wa Jamhuri ya Muungano wa Tanzania ambaye amekua mstari wa mbele kuhamasisha jamii kutunza mazingira.

"Ndugu waandishi wa habari  sisi kama taasisi  tumeamua kutekeleza agizo la rais wetu mama Samia Suluhu Hassan  kama mlivyomsikia  amekua akitumia hotuba zake kuhamasisha jamii kutunza mazingira, tumeamua kuandaa mashindano haya ili kumuunga mkono katika kuhamasisha jamii kutunza mazingira" alisema Bw.Mkonga.

Bw Mkonga aliongeza kuwa zawadi kwa washindi mashindano bado zitangazwa badae hili watanzania wajue ni zawadi gani tutatoa kwa wanariadha watakao shiriki, tunaomba jamii iendelee kutuunga mkono.

Kwa upande wake Mtendaji mkuu wa Kampuni ya KingLion Bw Ratnakar Waghi ameipongeza taasisi ya Amon Mkonga Chief Promotions kwa kuandaa mashindano hayo kwani jambo jema na la muhimu katika maisha ya watanzania kwani linalenga kulinda mazingira lakini pia kusaidia kuimarisha afya zao hususani katika kipindi hiki cha mripuko wa virusi vya corona.

"Tuameamua kumuunga mkono , ni jambo zuri sana sisi kama kampuni ya Kinglion tunawajibika pia katika kutunza mazingira kwahiyo mbio hizi zitasaidia sana kuendeleza kampeni hizi za kuhamasisha jamii kutunza mazingira" alisema 

Mmoja wa washiriki wa mbio hizo za riadha katika mashindano hayo Chacha Boyi (27) alisema kwamba nia yake nikupata ushindi wa nafasi ya kwanza lakini pia kuitangaza Tanzania kimataifa katika mbio za half Marathon zitakazofanyika nchi za Ulaya.