CUF YATOLEA UFAFANUZI SAKATA LA RUZUKU YA CHAMA HICHO

Chama cha wananchi CUF bara kimetoa ufafanuzi juu ya sakata la ruzuku ya chama hicho ambayo ilipokelewa kupitia akaunti ya Nmb bank tawi la Temeke jijini Dar es salaam.

Akizumgumzia sakata hilo mkurugenzi wa fedha na uchumi Taifa wa chama hicho Bw.Thomas Malima  alisema ofisi ya  msajili wa vyama vya siasa nchini imewapa ruzuku hiyo kwa mujibu wa sheria ya vyama ya mwaka 1992 na kusema kuwa ruzuku hiyo ilikuwa imezuiliwa kwa muda wa miezi minne kuanzia  mwezi Septemba hadi Desemba 2016 kutokana na sintofahamu ya  uongozi wa kitaifa CUF

Alisema takribani mwaka mmoja sasa tangu mwenyekiti Taifa wa chama hicho Profesa Ibrahim Lipumba kuwa nje ya uenyekiti ambapo ruzuku zote zilisitishwa kwa upande wa wilaya za Tanzania bara wakati Zanzibar ikiendelea kupokea ruzuku hiyo na kudai kuwa jambo hilo ni uonevu kwa wanacuf wa Bara na kueleza kuwa mpango huo ulikuwa wa makusudi wa maalim Seif na genge lake.

Bw. Malima alisema jumla ya shilingi 66,300,000 ya fedha ya ruzuku hiyo mara baada ya kelewa zilipelekwa katika wilaya 82 za Tanzania bara kati ya wilaya 104  ambazo zina viongozi halali wa chama.

Pia bw Malima alisema wilaya zilizobaki 22 bado hazijapatiwa mgao wa fedha hizo kutokana na akaunti zao kuwa na matatizo mbalimbali na kutoa wito kwa viongozi wa chama cuf katika wilaya hizo kuhakikisha akaunti hizo zinakuwa sawa ili waweze kupatiwa fedha.

Katika hatua nyingine Bw Malima amewataka viongozi wa Cuf kuzingatia matumizi sahihi ya fedha hizo kwa mujibu wa katiba ya chama hicho na sheria ya nchi kwakuwa hizo ni fedha za umma.

Bw Malima ameelezea kusikitishwa na tamko la Inayojiita bodi ya wadhamini wa Cuf kudai kuwa fedha hizo zimeibwa na kuwataka viongozi wa wilaya zote nchi kutokupokea fedha hizo, kwa mujibu wa ibara ya 98(1) inafafanua kuwa bodi hiyo iliteuliwa 2010 na kumaliza muda wake 2015 na baada ya hapo haikuwahi kuteuliwa tena wala kulipiwa mchango wa kila mwaka Rita tangu mwaka 2013