NLD KUTIKISA UBUNGO KESHO NOV 25

Dar es salaam - Chama cha NLD Kesho, tarehe 25 Novemba kuanzia saa 10 jioni kitafanya mkutano mkubwa wa kampeni za uchaguzi wa serikali za mtaa mkutano utakaofanyika katika viwanja vya Kwakomba, Mtaa wa King'ongo, Ubungo, Jijini Dar es Salaam

Kwa mujibu wa taarifa kwa vyombo vya habari iliyotolewa na kitengo cha habari cha chama hicho imesema, katika  mkutano huo Viongozi wa NLD wilaya ya Ubungo wanachukua fursa hii kumnadi na kutangaza sera za mgombea wa Chama cha NLD Mtaa wa King'ongo, Mhe. PATRIKI HILALY NGAYUNGWA.

Taarifa hiyo imesema Mkutano huo pia utaudhuriwa na viongozi wa NLD kutoka makao makuu, kwa lengo la kuunga mkono na kutoa sapoti kwa mgombea wa Chama hicho.

Chama cha NLD tangu kuzinguliwa rasmi kwa kampeni kinaendelea na mikutano mbalimbali ya kampeni nchi nzima, ambapo viongozi wake wakisisitiza kusimamisha wagombea wenye ushawishi katika kila mtaa, kijiji, na kitongoji. Uchaguzi wa serikali za mitaa, vijiji, na vitongoji unatarajiwa kufanyika Novemba 27, 2024, nchi nzima.