CAMON 15 Simu Mpya Kutoka TECNO Kuzinduliwa Aprili.

TECNO CAMON 15

Baada ya uvumi wa siku kadhaa kuhusu kampuni ya simu itakayoleta teknolojia kali ya kamera ya simu inayotarajiwa na wajuzi wa kutumia simu janja mwaka huu 2020, kampuni ya simu za mkononi ya TECNO tayari imethibitisha kuwa itazindua simu yake yenye mapinduzi ya teknolojia ya juu katika kamera.

“Ni kweli tutazindua simu ambayo tunaamini kwa watumiaji wa smartphone, hii itakuwa simu 

yenye teknolojia ya kisasa kabisa ambayo ndio mahitaji ya watumiaji walio wengi hasa wanaopenda kwenda sambamba na teknolojia” Amesema mmoja wa wafanyakazi wa kampuni 

ya TECNO

Kamera ya nyuma ya simu hiyo ambayo ina MP64 ina kamera nyingine mbili saidizi ambazo 

zina kazi tofauti, mathalani kazi ya kamera ya kwanza yenye MP5 ni kuongeza upana wa mazingira ya picha inapochukuliwa kwa zaidi ya 115˚ huku kamera yenye MP 2 ikisaidia kurembesha picha katika mitindo tofauti tofauti maarufu kama bokeh effects.

Sifa ya kamera hii inafanya mtumiaji wa CAMON15 kuwa mpiga picha bora wakati wowote na mahali popote.

Mwonekano wa kamera ya nyuma ya TECNO CAMON 15.

Kamera ya mbele yenye ukubwa wa MP32 imetengenezwa na kuwekwa ndani na huchomoza na kuonekana juu pindi tu mtumiaji anataka kupiga selfie kwa kifupi ni pop-up camera. 

Haijalishi ni Usiku au kuna mwanga hafifu kamera ya CAMON 15 ina uwezo wa kupiga picha inayong’ara kwenye mazingira yoyote

Mwonekano wa kamera ya mbele ya CAMON 15.

Upande wa sifa nyingine za CAMON15 ni pamoja na ukubwa wa kioo 6.6”FHD, betri yenye 4000mAh, ni laini mbili ambazo ni 4G pia ina android Q.

Tayari mipango ya kuizindua kupitia mitandao ya kijamii imeshakamilika na wakati wowote simu hii itazinduliwa. 

Ikumbukwe TECNO ndio kampuni ya simu namba moja inayozalisha na kusambaza Smartphone huku toleo lake la mwisho kabisa katika mfululizo wa matoleo ya CAMON ni CAMON 12 series.