Meya Chaulembo: Viongozi Jadilini Taarifa Kutoka Katika Kata Zenu Kutatua Kero Za Wananchi

Meya Wa manispaa ya Temeke Mhe. Abdallah Chaurembo

Na Sala Mlawas:

Wito umetolewa  kwa viongozi Wa manispaa ya Temeke jijini dar es salaam kushirikiana bega kwa bega kujadili taarifa zinazotokea katika kata zao na kutatua kero mbalimbali zinazowakabili wananchi.

Akizungumza na waandishi Wa habari jijini Dar es salaam Meya Wa manispaa ya Temeke Mhe. Abdallah Chaurembo alisema wanapaswa katika vikao vyao wazingatie asilimia 10 ya vijana na wanawake katika kuwapatia mikopo.

Aidha Mhe Chaurembo ameongeza kuwa endapo watawapatia mikopo wanawake na vijana itasaidia kupunguza baadhi ya changamoto zinazowakabili wananchi katika manispaa ya Temeke.

“Viongozi jadilini mijadala inayolenga kutatua changamoto zinazoikabili manispaa hiyo kwa weledi, kwani kwa kufanya hivyo kutasaidia kukusanya mapato yatakayo kidhi mahitaji ya wananchi” Alisema Mhe Chaurembo.

Kwa upande wake Afisa kutoka mamlaka ya kupambana na kuzuia rushwa (TAKUKURU), Wilaya ya Temeke Bi Estha mkokota Aliwataka viongozi kufwata sheria kanuni  na taratibu za utumishi wa umma zilizopo katika kutekeleza majukumu yao ili wananchi wapate huduma kwa wakati uliopangwa.

Alisema kwa kufanya hivyo watakuwa wanaunga mkono jitihada za serikali ya wamu ya tano inayoongozwa na Rais Magufuli katika kuwaletea maendeleo Kwani miradi ya maendeleo inayohusisha fedha za serikali inaletwa kwa lengo la kutatua kero za wananchi .