Miaka 100 Ya Skauti: Dc Sophia Mjema Aagiza Kuanzishwa Klabu Za Skauti Katika Shule Manispaa Za Ilala

Dc wa Ilala Mhe Sophia Mjema akizungumza wakati wa ufunguzi wa kambi ya skauti wilaya ya ilala uliofanyika katika sekondari ya Pugu jijini dar es salaam.

Kamishna wa Skauti Wilaya ya Ilala Bw.Crispin Majiya akiongea katika ufunguzi wa kambi ya skauti wilaya ya ilala uliofanyika katika sekondari ya pugu jijini dar es salaam.

Kamishna Mkuu Msaidizi Program za vijana Taifa Bw.Omary Mavula akifafanua jambo katika ufunguzi wa kambi ya skauti wilaya ya ilala uliofanyika katika sekondari ya Pugu jijini dar es salaam.

Wanafunzi Zahor Habib (anayesoma) na Riziwani Baruani wakisoma risala mbele ya mgeni rasmi Dc wa ilala Mhe Sophia Mjema (hayupo pichani)  katika ufunguzi wa kambi ya skauti wilaya ya ilala uliofanyika katika sekondari ya Pugu jijini dar es salaam.

Meza kuu, kutoka kushoto Kamishna wa skauti wilaya ya ilala bw.Crispin Majiya, Mgeni rasmi Dc wa ilala Mhe Sophia Mjema pembeni yake ni Kamishna Mkuu Msaidizi Program za Vijana Taifa Bw.Omary Mavula wakisikiliza risala ya wanafunzi katika ufunguzi wa kambi ya skauti wilaya ya ilala uliofanyika katika sekondari ya Pugu jijini dar es salaam.

Washriki kambi ya skauti wilaya ya ilala wakiimba wimbo wa taifa wakati ufunguzi wa kambi ya skauti wilaya ya ilala uliofanyika katika sekondari ya Pugu jijini dar es salaam.

Mgeni rasmi Dc wa Ilala Mhe Sophia Mjema akizungumza na simu ya upepo mara baada ya ufunguzi kambi ya skauti wilaya ya ilala uliofanyika katika sekondari ya Pugu jijini dar es salaam.

Mgeni rasmi Dc wa Ilala Mhe Sophia Mjema ambae ni mwenyekiti wa kamati ya ulinzi ya wilaya akikagua gwaride lililoandaliwa kwa ajili yake na wanafunzi wanaopata mafunzo maalumu ya scout alipofika kwa ajili ya kufunga makambi yao ya mafunzo.

Mgeni rasmi Dc wa Ilala Mhe Sophia Mjema akisikiliza maelezo kutoka kwa mmoja ya wanafunzi wanaoshiriki katika kambi ya skauti wakati ufunguzi wa kambi ya skauti wilaya ya ilala uliofanyika katika sekondari ya Pugu jijini dar es salaam.

Mgeni rasmi Dc wa Ilala Mhe Sophia Mjema akipiga picha ya pamoja na viongozi wa skauti mara baada ya ufunguzi wa kambi ya skauti wilaya ya ilala uliofanyika katika sekondari ya Pugu jijini dar es salaam.

Dar es salaam

Mkuu wa Wilaya ya Ilala Sophia Mjema  amemuagiza afisa elimu wa wilaya ya Ilala kuhakikisha kila shule inafanya uandikishaji wa wanafunzi kwa ajili ya mafunzo ya vikundi vya skauti nakila shule ihakikishe inatoa mwalimu mmoja kwa ajili ya kusimamia vikundi hivyo.

Mjema ameyasema hayo katika kuadhimisha miaka 100 ya skauti tangu kuanzishwa kwake 1917 sambambana kuzindua wiki mawasiliano ya anga kwa njia ya upepo na inteneti  kwa skauti  ‘Jamboree on the Air (JOTA), Jamboree on the Internet (JOTI)’ yaliyofanyika katika shule ya Sekondari Pugu Jijini Dar es Salaam.

“Ikama ya walimu wa skauti ni ndogo natoa agzio kwa afisa elimu kufanya uandikishaji wa skauti wakike na wakiume katika kila shule na kuhakikisha kila shule kunakuwa na mwalimu mmoja ambaye atakuwa anawafundisha skauti hao” Amesema Mhe Mjema

DC Mjema ameeleza kuwa skauti wengi ni vijana wakifundishwa maadili mema Tanzania itakuwa ni yenye umma bora na watu wake watakuwa na uzalendo na Taifa la Tanzania.

“Skauti wengi ni Vijana hivyo ni wajibu wao kutengeneza ulimwengu bila madawa ya kulevya, bila maovu , kutengeneza skauti wazalendo wenye tija na Taifa la Tanzania, pia wanapopata fursa mbalimbali za nje ya nchi wasisite kuitangaza Tanzania kwa kueleza mema ya Tanzania ikiwemo Amani, Muungano na Rasilimali zilizopo” Amesema.

Pia DC Mjema ametoa wito kwa watoto na skauti wote pindi wanapoona matukio ya kidhalilishaji au kufanyiwa watoe taarifa kwa mamlaka kwa mamlaka husika kwani serikali ipo kwa ajili yao na itawalinda.

“Wenyeviti wa Serikali za Mtaa, Wakuu wa Wilaya, Mawaziri, mpaka ngazi ya juu ya Rais chini ya Rais John Pombe Magufuli tutahakikisha tunazilinda na kuzitetea haki za mtoto hivyo wasiogope kutoa taarifa za unyanyasaji kijinsia hata kama wakitishiwa maisha yao” Amesema Mhe Mjema.

Katika hatua nyingine DC Mjema amehaidi kushughulikia moja ya changamoto iliyotolewa na wawakilishi wa uongozi wa skauti kuhusiana na eneo la kambi na eneo kwa ajili ya kilimo ambapo amewahakikishia uwepo wa maeneo hayo kwa kumuagiza Mkurugenzi kuwapa kipaumbele pale watakapo ainisha maeneo kwa ajili ya viwanda vidogo kwani kufanya hivyo ni kuwakwamua kiuchumi.

“Namuagiza Mkurugenzi kushughulikia suala la eneo la kilimo, pia ni vyema mkaja ofisini kwangu siku ya Alhamisi ili niwakutanishe na Afisa Maendeleo kwa ajili ya kujadili na kufikia malengo yenye tija kwa skauti na taifa kwa ujumla” Amesema Mhe Mjema.