SAKATA LA CUF LACHUKUA SURA MPYA MSAJILI WA VYAMA VYA SIASA, MWANASHERIA MKUU WA SERIKALI NA PROF LIPUMBA WAFUNGULIWA SHAURI MAHAKAMA KUU DAR.

Wakili Juma Nassoro akizungumza na waandishi mara baada ya kufungua shauri hilo leo mahakama kuu, kanda ya Dar  es salaam

Na Frank wandiba

Bodi ya wadhamini wa chama cha wananchi (CUF) leo imefungua shauri Namba 75 , 2016 katika mahakama kuu, kanda ya Dar  es salaam dhidi ya msajili wa vyama vya siasa Jaji Francis Mutungi, Mwanasheria mkuu wa serikali , Profesa lipumba pamoja na wenzake 12 waliosimamishwa uanachama wa chama hicho.

Kiongozi wa jopo la mawakili wa CUF watakaosimamia kesi hiyo wataongozwa na Juma Nassoro alisema shauri hilo limefunguliwa na kwamba linatarajiwa  kuanza kusikilizwa rasmi oktobar 10, 2016.

“Bodi ya udhamini ya Cuf imefungua shauri hilo dhidi ya Jaji Mitungi na wenzake  12 waliosimamishwa uanacham,a pamoja ba Lipumba” Alisema.

Alisema lengo la Bodi kufungua shauri hilo  ni kuitaka mahakama kutoa amri dhidi ya msajili wa vyama vya siasa ya kutoendesha shughuli zake za usimamizi wa vyama vya siasa chini ya sheria za vyama vya siasa kwa madai kuwa hazimpi mamlaka ya kuafanya hivyo.

“ Tunaitaka mahakama  iende mbali zaidi , itoe amri ya kumzuia msajili kufanya shughuli ambazo zipo nje ya mamlaka aliyopewa na sheria ya vyama vya siasa , ili kuendelea kuimalisha democrasia na msajili kufanya shughuli zake kwa mujibu washeria.’

Bw Nassoro aliongeza kuwa wajumbe saba wa bodi ya uwadhamini cuf ambao msajili wa vyama vya siasa ambao amedai kuwatambua ndio waliofungua shauri hilo leo.

“Wajumbe waliokuja kwangu ni saba majina yao sina kwa sasa ,hao wengne ambao wamekuwa wakifanya vikao katika ofisi za chama hicho zilizopo buguruni  sio sahihi hivyo mwisho wa siku amhakama ndio itatoa tafsiri Bodi hipi sahihi na uongozi upi sahihi” alisema