KICHUYA AWABEBA WAZAWA

Msimu huu wa VPL 2016/2017 umeanza vizuri kwa wachezaji wazawa,hii ni baada ya Shiza Kichuya winga wa Simba kuongoza katika orodha ya Vinara wa upachikaji mabao.

Kichuya amefikisha magoli sita bada ya hapo jana kuifungia timu yake ya Simba goli moja kati ya mawili katika ushindi wa magoli mawili kwa sifuri dhidi ya Mbeya City huku bao lingine likifungwa na Ibrahim Ajib

Kwa msimu uliopita hadi kufikia mzunguuko wa nane,vita ya upachikaji mabao ilikuwa kati ya Hamis Kiiza aliyekuwa Simba na Amis Tambwe wa Yanga.Hata hivyo Tambwe bado anaonyesha anaweza kuendelea kugombea Kiatu cha Dhahabu tena kwani amefikisha mabao manne.

Wachezaji wazawa wanaomfuatia Kichuya ni Ibrahim Ajib(Simba),John Bocco(Azam),Rafael Daudi(Mbeya City),Omar Mponda(Ndanda),Abdulrahman Mussa(Ruvu Shooting) na Rashid Mandawa(Mtibwa Sugar) wote wakiwa na Magoli matatu kila mmoja.Kila la heri katika mbio za kugombea Kiatu cha Dhahabu.