MAJINA YA WAGOMBEA NAFASI YA MWENYEKITI TAIFA WA CHAMA CHA WANANCHI CUF

	Wagombea Uenyekiti Taifa:
NO.	JINA KAMILI	UMRI	JINSIA	ELIMU	MAFUNZO YA KITAALAM
1	Abdul Omari Zowo	66	ME	Secondari	Enginearing ndege za Kivita China na Urusi
2	James Kija Mahangi	42	ME	Sekondari	Upimaji wa magonjwa ya Binaadamu (MAABARA)
3	Joseph Magoiga Rhobi	48	ME	-	Ufundi Seremala
4	Juma Shabani Nkumbi	49	ME	Secondari	Computer Course
5	Riziki Shahari Mngwali	56	KE	Chuo kikuu	Usuluhishi wa Migogoro
6	Salum Khalfan Barwany	57	ME	sekondari	Ufundi Magari
7	Selemani Khatibu	37	ME	Sekondari
8	Twaha Issa Taslima	63	ME	Chuo Kikuu	Sheria
9	Zuberi Mohamed Kuchauka(MB)	54	ME	Chuo	F.T.C. Mechanical
	Wagombea Makamo Uenyekiti Taifa:
NO.	JINA KAMILI	UMRI	JINSIA	ELIMU	MAFUNZO YA KITAALAM
1	Dr. Juma Amer Muchi		ME	Chuo Kikuu	Afya
2	Juma Duni Hajji		ME	Chuo Kikuu	Uchumi
3	Mussa Hajji Kombo		ME	Sekondari
4	Salim Abadalla R. Bimani		ME	Chuo

Waheshimiwa Waandishi wa habari, kwa niaba ya Chama Cha Wananchi CUF  Juni 2, 2016 CUF kiliitisha kikao na Waandishi wa habari katika ukumbi wa Shaaban Khamis Mloo kwa lengo la kuelezea kuitishwa kwa Mkutano Mkuu wa Chama wa taifa ambao ungetumika kujaza nafasi mbalimbali za uongozi zilizo wazi.

Tulieleza kwamba nafasi zilizo wazi ni ya Mwenyekiti wa taifa wa Chama na hii imetokana na aliyekuwa Mwenyekiti wetu Profesa Ibrahim Lipumba kuamua kujiuzuru mwenyewe katika nafasi hiyo mnamo tarehe 5 August 2015, pia nafasi ya Makamu Mwenyekiti wa taifa iliyotokana na Mheshimiwa Juma Duni Haji kujiuzuru nafasi hiyo na kujiunga na Chama cha Demokrasia na Maendeleo (Chadema) ili aweze kuwa mgombea Mwenza wa Mgombea wa Urais wa Jamhuri ya Muungano wa Tanzania kupitia Chama hicho Mheshimiwa Edward Lowassa aliyeungwa mkono na vyama vilivyounda Umoja wa Katiba ya Wananchi UKAWA.

Nafasi nyingine zilizowazi ni pamoja na nafasi nne za Ujumbe wa Baraza Kuu la Uongozi la taifa  kwa Kanda zifuatazo, idadi na aina na wajumbe wa kuchaguliwa katika mabano: Nafasi moja ya mjumbe kutoka Kanda ya Nyanda za juu kusini (Mjumbe yeyote wa Kanda hiyo anaweza kugombea), nafasi moja ya mjumbe kutoka Kanda ya Kati (Mjumbe yeyote wa Mkutano Mkuuu taifa kutoka Kanda hiyo anaweza kugombea, nafasi moja ya mjumbe kutoka Kanda ya Ziwa (ni Mjumbe mwanamke tu kutoka kanda hiyo anaweza kugombea) na nafasi moja kutoka Kanda ya Kaskazini (mjumbe yeyote kutoka Kanda hiyo anaweza kugombea.

Katika ratiba ya matukio kuelekea siku ya Mkutano Mkuu maalum wa taifa tulieleza kwamba uchukuaji wa fomu za kuomba nafasi za kugombea utafanyika kwa Makatibu wa wilaya na kwamba siku ya mwisho ambayo Makatibu wa wilaya watapaswa kuwasilisha taarifa za waliogombea pamoja na fomu zao kwa Katibu Mkuu ni tarehe 10 August 2016.